Белгиецот Маруан Фелаини објави крај на кариерата
Белгиецот Маруан Фелаини ја завршува својата играчка кариера по 18 години во професионалниот фудбал.
Препорачано
Во последните четири години Фелаини го носеше дресот на кинескиот Шандонг Тајшан кој ќе биде неговиот последен клуб.
„Со оваа објава сакам да се заблагодарам на сите и да кажам дека ја завршувам мојата успешна 18-годишна фудбалска кариера. Патувањето беше навистина неверојатно“, објави помеѓу другото поранешниот белгиски репрезентативец на својот Инстаграм профил.
Фелаини кој има 36 години зад себе има блескава кариера во која го носеше дресот на Манчестер Јунајтед и Евертон, а започна во белгискиот Стандард Лиеж. Дресот на Евертон го носеше на 141 натпревар и постигна 25 голови, додека за Манчестер Јунајтед постигна 18 голови на 87 натпревари.
Со Манчестер Јунајтед имаше најголем успех на клупски план бидејќи освои четири трофеи (Лигата на Европа, ФА Купот, Лига Купот и Комјунити Шилд).
View this post on Instagram
