Досега за субвенционирана цена на електрична енергија од 80 евра се пријавиле 233 производители на храна, кој досега се снабдуваа на слободниот пазар, каде цената е повисока.

Оние што не успеале до сега да соберат документи, тоа дополнително може да го направат, но поевтината струја ќе ја добијат од 1 јануари, за разлика од другите кои ќе ја добијат од 1 декември.

Со оваа мерка, како што нагласи министерот за економија Крешник Бектеши, пресметките покажуваат дека цените реално е да се намалат за 10 проценти.

– Пазарниот инспекторат ќе прави засилени контроли за веќе ограничените маржи од 10 проценти за дел од основните производи, а дополнително од 1 декември ќе се прават инспекциски контроли за тоа дали цената е фирмирана врз основа на субвенционираната цена на електрична енергија – вели Бектеши.