Три бебиња напуштени се во три различни ситуациии во ист комплекс на згради во Орландо на Флорида. Подоцна со направените ДНК тестови е утврдено дека сите три бебиња имаат исти биолошки родители.

Полицијата во Орландо во вторникот потврди дека трите бебиња најдени во 2016, 2017 и 2019 година имаат иста мајка и татко, пренесува Индепендент.

Детективката Васерман Лукер изјави дека начинот на кој сите три деца се оставени во луксузниот комплекс ја натерало полицијата да помисли дека случаите се поврзани.

– Пораката најдена на лице место објаснува дека бебето е оставено на таа локација бидејќи мајката стравувала од таткото на детето – наведе Лукер околу случајот од 2019 година. Слична порака е оставена и во 2017 година.

Полицијата во Орландо потврди дека се работи за бебиња кои се во крвно сродство, но други детали не се познати.

– Доколку бидеме во можност да ја идентификуваме мајката, нејзината безбедност е наш приоритет, како и безбедноста на другите потенцијални деца – се наведува во соопштението на полицијата.