Деветмесечно бебе почина денеска во една градинка во Бања Лука, потврди Полициската управа на Бања Лука, пишуваат босанските медиуми.

Околу 14:50 часот, полицијата добила пријава дека вработени во Службата за итна медицинска помош во градинката му помагаат на дете.

„Полициската управа на Бања Лука била известена од Универзитетскиот клинички центар на Република Српска околу 15:30 часот дека детето починало“, соопшти полицијата.

Според првите информации, детето починало ненадејно во сон и засега нема индикации дека станува збор за сомнителен случај. Истрагата е во тек, а за сè е информиран дежурниот обвинител на Окружното јавно обвинителство, од кого се очекува да наложи обдукција.

Универзитетскиот клинички центар во Бањалука потврди дека пациентот бил донесен кај нив од службата за брза помош на Здравствениот дом во Бањалука без знаци на живот.

„Пациентот бил донесен интубиран и примен на интензивна нега во Клиниката за детски болести во 14:15 часот, каде што биле продолжени мерките за реанимација што веќе биле започнати“, се наведува во соопштението на Медицинскиот центар во Бања Лука.