Проценетиот промет од нелегални активности за 2024 година изнесува 0,1 процент од вкупниот БДП, т.е. околу 7,6 милиони евра. За прв пат, Црна Гора го вклучи проценетиот промет од нелегални активности, како што се трговијата со дрога и проституцијата, во пресметката на својот бруто домашен производ (БДП).

Според официјалните податоци, БДП на Црна Гора порасна за 3,5 проценти во вториот квартал од оваа година. Проценетиот промет од нелегални активности за 2024 година изнесува 0,1 процент од вкупниот БДП, односно околу 7,6 милиони евра- објави Каматица. Оваа ревизија е спроведена во согласност со методологијата на ЕСА 2010, со што Црна Гора ги исполни обврските од договореното Поглавје 18 – Статистика, кое е дел од процесот на пристапување кон Европската Унија.

– Во ревизијата за претходните години, како и во пресметката на БДП за 2024 година, вклучени се проценки на легални активности кои често остануваат непријавени, како што се приватни часови, бакшиши, платени услуги во домаќинствата и недоволно пријавување на приходи, како и нелегални активности како што се трговија со дрога и проституција – објави Монстат.

Иако првичниот план беше ревизијата да се спроведе во 2026 година, Владата на Црна Гора одлучи да го забрза процесот со цел побрзо да ги заврши активностите за затворање на ова поглавје.