Барселона и Јувентус не завршија со бизнисот, подготвуваат нова спектакуларна замена
Двата тима оваа недела и офцијално направија една размена, Артур Мело се пресели во Торино, додека на „Камп Ноу“ пристигна Миралем Пјаниќ, но се чини дека ова нема да биде последната размена на Барселона и Јувентус.
Според италијанскиот новинар Паоло Паганини, размената на Артур и Пјаниќ е само почеток на соработката на двата тима. Имено, според неговите сознанија Барселона се обидува да се ослободи од Антоан Гризман кој се покажа како вистинско разочарување иако минатото лето беше платен 120 милиони евра.
По понижувањето на средбата со Атлетико Мадрид кога беше внесен во игра во 90. минута, се чини дека неговите денови на „Камп Ноу“ се одбројани и нема да добие втора шанса.
Порати тоа Барселона веќе се обидува да го испрати во Париз заедно со Самуел Умтити во замена за Нејмар, но шпекулациите се дека Гризман не сака да чуе да оди во ПСЖ.
Сега новинарот Паганини тврди дека Барселона и Јувентус започнаа втора рунда на преговори со кои Гризман би се преселил во Италија во замена на Адриен Рабио и Даглас Кошта.
Buongiorno. Il #Barcellona vuole piazzare #Griezmann il nodo però è l’ingaggio. Lo ha proposto al #Psg per #Neymar, all’#Inter per #LautaroMartinez e ora sta parlando con la #Juventus, con #DouglasCosta e #Rabiot che interessano al Barça.
— Paolo Paganini (@PaPaganini) July 2, 2020