Барселона го продаде Семедо за 29 милиони фунти, го носи Дест како замена

epa08237830 FC Barcelona's Nelson Semedo (R) in action against Eibar's Japanese midfielder Takashi Inui (C) during the Spanish La Liga soccer match between FC Barcelona and SD Eibar at Camp Nou in Barcelona, Spain, 22 February 2020. EPA-EFE/ALBERTO ESTEVEZ

Нелсон Семедо е најново засилување за англискиот премиерлигаш Вулверхемптон.

Англискиот тим се согласи да плати 29 милиони фунти обесштетување, а десниот бек веднаш потпиша тригодишен договор со опција соработката да се продолжи за дополнителни две години.

Семедо дојде во Вулверхемптон на инсистирање на менаџерот Нуњо Еспирито Санто откако летово Мет Доерти ја напушти екипата и се пресели во Тотенхем.

Семедо е петто засилување за екипата на Вулверхемптон кој доаѓа ова лето по Фабо Силва, Фернандо Маркало, Витор Фереира и Ки-Јан Хувер.

Парите од трансферот на Португалецот, Барселона ќе ги искористи за да го донесе Сержињо Дест од Ајакс.

Иако вчера медиумите во Холандија објавија дека Дест се договори со Баерн Минхен, денеска тврдат дека дојде до пресврт и американскиот репрезентативец сепак во трансфер вреден 20 милиони евра плус пет милиони во бонуси ќе потпише за Барселона.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот