Во 34 коло од најсилното шпанско фудбалско првенство екипата на Барселона на гости славеше со 2:1 против тимот на Осасуна.

На стадионот во Памплона немаше погодоци, а во вториот дел каталонскиот клуб поведе со голот на Левандовски во 81 минута по асистенцијата на Рашфорд.

Торес зголеми на 2:0 во 86 минута, а домаќините 120 секунди подоцна го ублажија својот 14 пораз во шампионатот.

На табелата Барселона е на врвот со 88 бодови од 34 натпревари, 14 повеќе од Реал Мадрид на втората позиција со 74 од 33 натпревари.

Реал Мадрид својот меч од ова коло ќе го игра в недела на гости против Еспањол и доколку не успее составот на Алваро Арбелоа да ги освои трите бода, Барса математички, официјално ќе биде шампион оваа натпреварувачка сезона во Ла Лига.

Барселона во следното коло на 10 мај дома ќе го игра дербито против Реал Мадрид, а Осасуна која се наоѓа на 10 место со 42 бодови два дена порано ќе гостува кај Леванте.