Полуфиналниот бараж натпревар од Лигага на Нациите помеѓу Македонија и Косово, најверојатно ќе се одигра во јуни годинава и тоа пред полн стадион. Првичниот термин за одигрување на натпреварот беше 26 март но поради пандемијата на коронавирусот, тој е одложен.

#UEFA ka vendosur që ndeshja ndërmjet Maqedonisë së Veriut dhe Kosovës, e paraparë të luhet me 26 mars 2020, të zhvillohet në muajin qershor 2020. Takimi vlen për gjysmëfinalen e Ligës C në Ligën e Kombeve.#Coronavirus #COVID2019 #NationsLeague pic.twitter.com/LMvoFNqTPH

— NOC KOSOVO (@NOCKOSOVO) March 17, 2020

Од Олимпискиот комитет на Косово најавија дека новиот термин ќе биде 2 јуни, а финалниот дуел од групата Д од баражот во Лигата на Лигата на Нациите би се играл на 6 јуни.

Натпреварот ќе се игра на Националната Арена „Тодор Проески“ и тоа најверојатно пред публика, но останува УЕФА и официјално да донесе ваква одлука.

УЕФА во текот на денот донесе одлука да го одложи Европското првенство на една година и тоа сега ќе се игра од 11 јуни до 11 јули 2021 година.