Бајсуфинов: Македонија може да се надева на добар настап на ЕП
Селекторот на Казахстан, Таглат Бајсуфинов и посака среќа на фудбалската репрезентација на Македонија и според одиграниот натпревар, избраниците на Ангеловски нема од што да се плашат на Евро 2020.
– И честитаме на Македонија и ѝ посакуваме добар настап на Европското првенство. Имавме доста грешки во одбраната, не функционираше и средниот ред и поразот не можевме да го избегнеме. Македонија има сличен пристап како Украина, селекција која е вашиот втор противник на шампионатот. Иако во Скопје игравме без неколку стандардни играчи може да се спореди играта на Македонија и Украина, селекција со која неодамна ремизиравме 1:1 во квалификациски меч за Мундијалот. Имате фудбалски велемајстор каков што е Горан Пандев, одлични сте во контри и во одбраната и можете да се надевате на добар настап на ЕП –изјави селекторот на Казахстан Бајсуфинов.
ФОТО: Фудбалерите победнички одат на Евро 2020, рутински го совладаа Казахстан