Русија и САД имаат шанси за соработка во областите како неширењето на нуклеарно оружје и климатските промени, изјави американскиот претседател Џо Бајден на виртуелниот состанок на Демократскиот национален комитет.

„Јасно му ставив до знаење на претседателот Владимир Путин во врска со односите помеѓу Америка и Русија, дека тие треба да бидат стабилни и предвидливи. Потребно е да соработуваме таму каде има заеднички интерес, како што се неширењето на нуклеарно оружје и климатските промени“ изјави Бајден, соопштувајќи од Белата куќа.

Говорејќи за разликите помеѓу двете сили, Бајден нагласи дека би разговарал и за можните сајбер напади или мешањето во американската економија, пренесува ТАШ.

„Во тек е трката на 21-виот век, за тоа кој ќе има најсилна економија. Светот не сака да губи време. Пред нас има многу работа и потребно е брзо да реагираме“ додаде Бајден.