Македонската публика ќе има можност да ги види на една сцена, и само една вечер, двајцата реално најголеми хитмејкери Бајага и Владо Јаневски.

Од „Авалон продукција“ го најавуваат нивниот заеднички концерт на 14 февруари 2026 година, во спортската сала „Борис Трајковски“ во Скопје.

„Повеќе од 4 часа – само хитови! Кои и какви, нема потреба да набројуваме, сите знаеме“, велат од продукцијата.

Бајага и Владо Јаневски веднаш ја прифатиле идејата за заеднички концерт, со големо задоволство и взаемна почит.

Вечерта ќе ја отвори Владо Јаневски со целовечерен настап со својот фантастичен бенд, а потоа продолжуваат Бајага и Инструктори исто со целовечерен концерт.