Бафет заработил рекордни 122 милијарди долари во готовина

Компанијата „Беркшир Хатавеј” на американскиот богаташ, инвеститор и филантроп Ворен Бафет до крајот на минатиот месец заработила рекордни 122 милијарди долари во готовина.

Тоа го успеал со купување на повеќе обврзници отколку што продал и го намалил нивниот откуп.

Бафет не потклекна пред американската берза, туку напротив, неговиот конгломерат продаде една милијарда повеќе резерви отколку што купил во последниот квартал, што воедно значи и најголема нето продажба од крајот на 2017 година.

Компанијата, исто така, откупила акции во вредност од 400 милиони долари, што е пад од 1,7 милијарди во првото тромесечие.

„Беркшир Хатавеј” минатата година го зголеми уделот во компанијата Епл, чија вредност кон крајот на минатото тромесечие изнесувала повеќе од 50 милијарди долари. Неодамна го зголеми уделот и во Банка на Америка и тоа за шест отсто на 950 милиони акции, кои моментно имаат вредност од околу 28 милијарди долари.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот