Во рамките од 17 коло во најсилното германско кошаркарско првенство екипата на Баерн дома со 98:79 го совлада тимот на Вурцбург. Тоа е 13 победа во низа за Баерн во шампионатот.

Македонскиот репрезентативец Ненад Димитријевиќ придонесе во победата со пет поени, четири скока и две асистенции за 16:23 минути игра.

Од неговите соиграчи најефикасен беше Канаѓанецот Ајзеа Мајк со 20 поени, а на спротивната страна Бри Ајви реализираше 18.

Баерн е моментно првопласиран на табелата со 32 бодови, осум повеќе од второпласираната Алба Берлин.

Во следното коло Димитријевиќ и неговите тимски колеги на 1 февруари ќе го пречекаат составот на Улм.