Австриски новинар откри што било договорено меѓу Димитров, Османи и Захариева во Берлин
Австрискиот новинар Кристијан Фердинанд на својот Фејсбук профил го објави нон-пејперот, што било договорено на средбата изминатата недела во Берлин меѓу министрите Никола Димитров, Бујар Османи и Екатерина Захариева.
Еве што пишува во него:
– Бугарија ќе ја одобри преговарачката рака за Македонија и ќе се согласи да се одржи првата меѓувладина конференција. во декември 2020 година.
– При одржување на прва меѓувладина конференција, Македонија официјално пред членките на Европската унија и институции ќе изјави дека краткото име, Северна Македонија се однесува исклучиво на политичкиот ентитет Република Северна Македонија.
– Бугарија го задржува правото, во унилатерална изјава која ќе биде анекс на преговарачката рамка, да објави дека македонски јазик го подразбира македонски јазик во согласност со Уставот на Северна Македонија.
-Бугарија и Македонија ја потврдуваат подготвеноста да ја интензивираат својата блиска билатерална соработка на темелите на Договорот за пријателство, добрососедство и соработка, со посебен акцент на работка на Заедничката мултидисциплинарна експертска комисија за историски и образовни прашања, што треба да се интензивира и да станат потранспарентни, вклучително и со објавување на постигнатите резултати. Германија изразува подготвеност да ја поддржи работата на Комисијата со споделување на најдобрите практики за методите на работа.
-Бугарија и Македонија официјално ќе го потврдат членот 11 од Договорот за пријателство, добрососедство и соработка, вклучително и малцинските прашања и повторно ќе се обврзат да преземат ефикасни мерки за спречување на ненамерната пропаганда од институциите и агенциите и да ги обесхрабрат активностите на приватните субјекти насочени кон поттикнување на насилство, омраза и други слични активности што можат да бидат штетни за нивните односи.
-Бугарија, Македонија и Германија ја нагласуваат важноста на поврзаноста и инфраструктурата, особено железничката и патната врска што се одвива од Драч преку Скопје до Софија и Варна. Тие ќе ги поддржат приоритетите на Коридорот VIII во рамките на Економскиот и инвестициски план на Комисијата на ЕУ за Западен Балкан.
-Бугарија и Македонија се согласуваат околу важноста за поттикнување на добрососедските односи на сите нивоа, вклучително и преку размена на млади, и размислуваат да започнат заеднички проект за размена на младите, додека заеднички ќе ги испитаат понатамошните можни области за соработка за поттикнување на меѓусебното разбирање и интензивирање на билатералните контакти, вклучително и проекти за размена на медиуми и збратимување на градови.
-Бугарија, Македонија и Германија остануваат загрижени за тешката состојба предизвикана од пандемијата, нагласуваат дека тесната соработка меѓу соседите во рамките на ЕУ и ЕУ со земјите од Западен Балкан е клучна за заедничко надминување на кризата што го доведува во опасност нашиот просперитет, социјалната кохезија и стабилност.