Горица Ангелковска, сопруга на 57-годишниот Тони Ангелковски кој почина на Клиниката за кардиохирургија пред два дена, откако не му била направена операција за пукната аорта, за „Слободен печат“ вели дека на државна Кардиохирургија ѝ кажале дека не можат да му направат операција на нејзиниот сопруг, затоа што немале услови, операциона сала и апарати.

Целиот разговор со Ангелковска може да го слушнете во продолжение. Таа бара здравствените власти да ја повикаат на разговор или да ја посетат.

Ова е најголем срам. Ни од министер не се плашам веќе. Моите деца останаа така. Нека се појави некој, нека се јави и нека дојде да разговара со мене. Не се плашам, премногу ме боли заради децата. Немаат апарати и салата не им работи, нели е малку срамно?  Нека излезе министер и нека ми каже кој човек со обична плата, има пари за приватна болница. Да ми кажат дека немаат услови за да го оперираат нели е малку срамно?, прашува таа.

СКАНДАЛ: Кој ќе одговара што пациент почина на Кардиохирургија со пукната аорта, без да биде опериран?!