Менаџерот на фудбалерите на Арсенал, Микел Артета, изјави дека е разочаран од нерешениот резултат со Вулверхемптон и призна дека неговиот тим не играл на потребното ниво. Играчите на Арсенал ремизираа 2:2 синоќа во натпреварот од 31 коло од Премиер лигата.

„Навивачите можат слободно да нè критикуваат колку сакаат затоа што не игравме на потребното ниво. Што и да кажат, можеби е вистина затоа што не го направивме она што мораше. Денес мора да прифатите секое прашање, критика и мислење. Тоа е исто така комплимент за Вулверхемптон, кој не смее да се потцени“, рече Артета по натпреварот.

Арсенал е сè уште на врвот на табелата во Премиер лигата со 58 бода, додека Вулверхемптон е на дното со 10.

„Секако, многу сме разочарани од резултатот и од начинот на кој заврши натпреварот, но сè е наша вина. Во второто полувреме не го покажавме стандардот што ни е потребен за да победиме во оваа лига“, беа зборовите на Артета.

Арсенал ќе биде домаќин на Тотенхем во недела во рамките на 27 коло од Премиер лигата.

ВИДЕО: Кикс на Арсенал во Премиер лигата, испушти два гола предност против последниот тим на табелата