Можноста денес да се видат предмети кои можеби ги држел големиот Александар Македонски е привилегија. Ќе ви откриеме место каде што можете да им се воодушевувате на овие артефакти.

Август 2008 година, археолози работат на локалитетот Орманков Гроб кај с.Тремник, Неготинско. Одеднаш археологот Кирил Ангеловски извикува радосен крик, сите се собираат околу пронајдокот пред него — златна остава тешка 1,2 килограми.

– Оваа остава се состои од златни монети и машки и женски накит. Според златни парички можеме да ја датираме оваа остава дека потекнува од времето на славните македонски кралеви Филип II и Александар III. Претпоставка е дека најверојатно оваа остава му припаѓала на некој член на македонската војска. Праксата била војникот откако чесно ќе си ја отслужел својата служба во познатата и непобедлива македонска војска, кралот богато да го награди од кралскиот трезор. Се верува дека и оваа остава е награда за некој воен ветеран кој по отслужувањето на воениот рок се вратил дома богато награден – вели Перо Арџанлиев, кустос-советник во Националниот археолошки музеј на Македонија.

Погледнте ја новата епизида на АРТеФАКТИ на јутјуб-каналот на „Слободен печат“. Автор на проектот е Александра Вуксановиќ.