Управата на Арсенал е една од најактивните во летниот преоден рок, донесе четири засилувања од кои најзвучно и  тоа на Габриел Жесус од Манчестер Сити, а сега се наоѓаат пред реализација на уште еден трансфер од редовите на англискиот шампион.

Англиските медиуми пишуваат дека Арсенал работи на трансферот на Олександр Зинченко од Манчестер сити и наводно веќе е постигнат договор меѓу двата клуба.

Арсенал се согласил да му исплати на Сити 30 милиони фунти отштета, а се очекува наскоро да седне на маса со агентите на фудбалерот.

Преговорите би требало да завршат успешно бидејќи самиот Зинченко е незадоволен од минутажата што ја добиваше од Пеп Гвардиола минатата сезона во која одигра само 28 натпревари во сите натпреварувања.

Зинченко е член на Манчестер сити уште од 2016 година кога дојде како 20-годишен играч и досега за граѓаните одигра 128 натпревари.