Иако долго време изгледаше дека Тотенхем е најблиску до неговиот потпис, Еберечи Езе, најдобриот фудбалер на Кристал палас, сепак ќе ја продолжи кариерата во Арсенал.

„Топчиите“ неочекувано се вклучија во трката за англискиот репрезентативец само два дена претходно, откако беше потврдено дека Каи Хаверц ќе биде надвор од терените подолго време поради повреда. Арсенал веднаш испрати конкретна понуда, која беше прифатена и изнесуваше 60 милиони фунти за услугите на Езе, кој важи за еден од најкреативните играчи во Премиер лигата.

Со неговиот ангажман, Арсенал ја засилува амбицијата да стави крај на 20-годишниот пост без титула во англиската елита. Езе ќе биде седмо летно засилување на тимот од „Емирати“, по доаѓањето на Кепа, Зубименди, Норгард, Мадуеке, Москвера и Ѓокереш.

Со трансферот на Езе, вкупната инвестиција на Арсенал ова лето се искачува на речиси 250 милиони фунти.

🚨❤️🤍 BREAKING: Eberechi Eze to Arsenal, here we go! Verbal agreement in place between all parties.

Crystal Palace to receive package in excess of £60m as Eze preferred #AFC over Spurs.

Arsenal win race over Tottenham, been in advanced talks for days but never sealed. pic.twitter.com/nUN2gXXjgY

— Fabrizio Romano (@FabrizioRomano) August 20, 2025