Арнаутовиќ: Мораме да внимаваме на Пандев!
Арнаутовиќ ги предупредува своите австриски репрезентативни колеги во пресрет на денешниот дуел да внимаваат на еден од најдобрите и најискусните во нашата селекција, напаѓачот Пандев.
– Се знаеме многу добро, драго ми е што повторно ќе се сретнеме. Тој има една многу добра кариера зад него и тој е клучен играч на македонската репрезентација. Мораме да внимаваме на Пандев – се зборовите на напаѓачот на Вест Хем, Арнаутовиќ.
Aktivieren vor #MKDAUT! ??? pic.twitter.com/JUUtrNoRiI
— ÖFB – oefb.at (@oefb1904) June 10, 2019
Македонската А репрезентација денеска од 20.45 часот на Националната Арена „Тодор Проески“ против Австрија ќе го игра четвртиот натпревар од квалификациите за ЕП 2020.
Моментно на табелата води Полска со максимални девет бодови во квалификациската група Г пред Израел кој има седум, четири има Македонија, три Австрија, два Словенија, а без бодови е се уште Летонија.