Антверп и ФК Копенхаген поблиску до групите во Лигата на шампионите
Во првиот натпревар од плеј-офот како последна пречка за влез во групите на Лигата на шампионите, екипата на Антверп на домашен терен го совлада АЕК од Атина со 1:0.
Белгијците дојдоа до победата благодарение на погодокот на холандскиот интернационалец Јансен во 16 минута. Домаќините од 51 минута играа со фудбалер поради црвениот картон на Батаиј, но успеаја до крајот на мечот да ја задржат предноста.
Со истиот резултат славеше и данскиот ФК Копенхаген на гостувањето кај полскиот Ракув, автогол во деветтата минута си постигна Раковитан.
Најмногу голови имаше на дуелот помеѓу Ренџерс и ПСВ со резултат 2:2. По првиот дел во позитива беа Шкотите со голот на Сима во 45 минута.
Сангаре во 61 минута се погрижи за израмнување, потоа Матондо во 78 минута донесе нова предност за Ренџерс, а Холанѓаните го избегнаа поразот во 80 минута преку де Јонг.
Реванш средбите ќе се играат на 30 август, победниците ќе играат во групната фаза на ЛШ, а поразените ќе продолжат во групите на Лига Европа.