Aнглиските легенди едногласни: Хрватска беше оштетена, немаше пенал
Вчерашниот пенал кој го доби Аргентина против Хрватска во полуфиналето на Мундијалот е тема на дебата во фудбалската јавност.
Аргентина победи со 3:0, а резултатот беше отворен со голот од пенал после половина час игра. Пеналот кој во гол го претвори Меси предизвика бурни реакции.
Англиските легенди Гери Невил, Јан Рајт и Рој Кин кои се стручни коментатори на „ИТВ“ се согласија дека Орсато и колегите погрешиле кога доделиле најстрога казна за „гаучосите“.
„Нема шанси тоа да е пенал“, јасно порача невил. „Не знам зошто ситуацијата не беше ниту проверена од ВАР. За мене ова не е пенал“, истакна Рајт. Немам што многу да додадам, се согласувам со момците, тоа не требаше да биде пенал“, дополни Кин.
Орсато добива многу критики за тој спорен пенал, меѓутоа има и такви кои сметаат дека оправдано покажал на белата точка.