Македонскиот суперталент 19-годишниот Елиф Елмас најверојатно од следната сезона ќе настапува во Премиерлигата откако два англиски фудбалски гиганти се вклучија во трката за неговиот потпис.
Тотенхем вчера и официјално понуди 20 милиони фунти (23 милиони евра) кој што е минималната сума која ја бара Фенербахче, но денеска во турските медиуми излезе информација дека во трката се вклучуваат и Јирген Клоп и неговиот Ливерпул.
#TottenhamHotspur and #Liverpool are interested to transfer #Fenerbahce player #EljifElmas.
— TurkishFootballNews (@TRFootballUpdat) April 13, 2019
Јирген Клоп полека почнува да го „крои“ составот за наредната сезона и Елмас потполно се вклопува во неговите замисли како замена за капитенот Џордан Хендерсон кој мака мачи со повредите.
Сумата од 23 милиони евра не претставува никаков проблем за Ливерпул, а во Фенербахче сигурно се радуваат што „црвените“ влегуваат во трката за потписот со македонскиот репрезентативец оти за очекување е во наддавањето сумата да се зголеми за уште некој милион.
Освен Тотенхем и Ливерпул, досега официјална понуда доставија и Фиорентина (15 милиони евра) и Спартак Москва (10 милиони евра) но тие беа одбиени од Фенербахче.
Сериозен интерес пројавија и Лацио, Манчестер сити, Борусија Дортмунд, Реал Мадрид, Бенфика, ПСВ Ајндховен.
