На 20 август во Сиднеј женските фудбалски репрезентации на Шпанија и Англија ќе играат во финалето на Светското првенство. За првпат во нивната историја Англија и Шпанија се во финале на светските првенства.

Еден ден порано на 19 август во Бризбејн ќе биде натпреварот за третото место помеѓу Шведска и Австралија.

Во полуфиналните мечеви Шпанија со 2:1 ја совлада Шведска, додека Англија со 3:1 беше подобра од Австралија.

Шпанија водеше од 81 минута со голот на Параљуело, израмнија Швеѓанките во 88 минута преку Бломквист, но само 60 секунди подоцна црвената „фурија“ ја врати позитивата благодарение на погодокот на Кармона (89`).

Во второто полуфинале Англичаните поведоа во 36 минута кога стрелаше Тун, израмни Австралија во 63 минута. Потоа, Хемп во 71 минута се погрижи за ново водство на англиската селекција, а конечниот епилог го постави Русо (86`).