Актерката Анџелина Џоли (50) изненади кога се појави на презентацијата на козметиката на Том Форд во Шангај. Социјалните мрежи брзо почнаа да дебатираат за нејзиниот изглед, а многумина тврдат дека направила козметички корекции. Џоли се појави во бел фустан на преклоп, со минимална шминка на лицето, но ги нагласила усните со интензивен црвен кармин. Таа е и амбасадорка на овој бренд, а во Кина ја промовирала токму новата линија кармини.

Но, корисниците на социјалните мрежи брзо почнале да дебатираат за нејзиниот изглед, наведува АОЛ. Некои навеле дека изгледа исцрпено, но други за сè ги обвинија пластичните операции, иако Џоли уште во 2010 година изјави дека не направила ништо на себе, ниту планира. Според приложената, не е баш така.

„Воопшто не личи на себе“, „Она што најмногу ме чуди не е тоа таа што старее, туку што нема експресии. Кога лицето ќе престане да изгледа човечко и ќе почне да изгледа произведено, нешто очигледно отишло предалеку“, „Да, ова дефинитивно не е Анџелина Џоли што ја знаеме.“ „Нешто е многу чудно“, „Што си направила? Сега изгледа како онаа морничава жена која одела на еден куп операции за да изгледа како неа“, пишувале корисниците на интернет, осврнувајќи се и на Сахар Табар, која стана вирална на социјалните мрежи пред неколку години како иранската „зомби Анџелина Џоли“.

Сепак, ги имало и оние што ја бранеле познатата актерка и нејзиниот изглед го оправдувале едноставно – со годините.

„Тоа е таа, иако е постара. Не можете да очекувате да изгледа како во 2005 година“.

Порано, извор за „Радар онлајн“ објаснил што може да се крие зад ослабеното лице на славната убавица. Се чини дека стресот, како и правните битки со поранешниот сопруг Бред Пит, оставиле траги.

– Енџи е исцрпена и очигледно не се грижи за себе. Стресот никогаш не престанува, а тоа се гледа и на неа. Се обидува да јаде повеќе, но кога е под голем стрес, воопшто нема апетит – објаснил тој.

ВИДЕО | Анџелина Џоли во прегратка на познат француски дизајнер – позираа држејќи се за раце