Анџелина Џоли привлече внимание со своето појавување на настан на модната куќа Том Форд во Шангај, каде што позираше во блиска прегратка со креативниот директор на брендот, Хајдер Акерман, при што двајцата се држеа за раце, пренесува „Дејли мејл“.

#AngelinaJolie with Tom Ford Creative director Haider Ackermann in Shanghai, China

pic.twitter.com/Yk1PBw7lPA

— World Base (@worldbase0) March 30, 2026

Џоли ги изненади присутните со нешто похрабар избор на шминка од вообичаеното. Таа носеше впечатлив црвен кармин, кој беше главниот акцент на нејзиниот изглед, додека остатокот од шминката беше ненаметлив и елегантен. Стајлингот го надополни со бел свилен фустан со длабоко деколте и нагласени раменици, задржувајќи го својот препознатлив, софистициран стил.

pic.twitter.com/YI8roKnUZV

— 白木 (@HanMu604) March 29, 2026

Целокупниот изглед дополнително беше истакнат со новата фризура – посветла, пепеласто руса коса стилизирана со страничен разделок.

На настанот пристигна во друштво на Хајдер Акерман, а нивното појавување предизвика голем интерес. Двајцата делуваа блиски, а додека позираа пред фотографите, се држеа за раце.

„Многу сум благодарна што сум тука. Би сакала да имам повеќе време и со нетрпение очекувам повторно да се вратам“, изјави таа.

Џоли присуствуваше на ексклузивен настан на брендот, кој собра бројни гости од светот на модата, убавината и забавната индустрија, и служеше како платформа за претставување на козметичката линија и визијата на модната куќа.

Што се однесува до Хајдер Акерман, тој е познат моден дизајнер препознатлив по својот софистициран и уметнички пристап кон современата мода. Во текот на кариерата работел за повеќе угледни модни куќи, а особено се истакнал како креативен директор на брендот Берлути, каде дополнително ја зацврстил својата репутација како иновативен и елегантен дизајнер.