Андријана Јаневска доби светско признание на натпревар во САД: Ви благодарам на сите кои ме поддржувате
Поп-пејачката и професорка по виолина, Андријана Јаневска го освои првото место на натпреварот организиран од „ЗАДА рекордс“, САД. Во изминативе неколку месеци, на овој натпревар се избираше најдобар пејач и пејачка од цел свет.
Веста за постигнатиот успех Андријана ја сподели на својот Фејсбук профил.
„Чест ми е да ве известам дека го освоив првото место на натпреварот организиран од ЗАДА рекордс (САД), на кој се избираше најдобар пејач/пејачка од цел свет во минатите неколку месеци. Ви благодарам на сите кои ме поддржавте.“, напиша таа покрај фотографијата од наградата.
Инаку, Андријана во моментов е актуелна со песната „Ми заплакало селото Ваташа“ која ја снимија заедно со Игор Џамбазов. Песната досега ја отпеале повеќе домашни изведувачи, а оригиналот е отпеан од легендарниот Никола Бадев во 1975 година.
Песната повторно стана актуелна по изведбата на Андријана и Игор, на последната „Златна Бубамара на популарноста“, а сега е и дел од проектот „Македонијо во срце те носиме“.