Македонскиот фудбалски младински репрезентативец Андреј Стојчевски се приклучи на тимот на Словачко од Чешка на тренинг кампот во Медулин, Хрватска.

Овој 21-годишен дефанзивец доаѓа од словачката екипа на Жилина на шестмесечна позајмица со опција за трансфер.

Стојчевски за Жилина одигра 53 првенствени натпревари на кои реализираше четири голови.

Нашиот играч ја носеше капитенската лента за репрезентацијата на Македонија до 21 година и настапи на 14 натпревари за националниот тим и постигна еден гол.

– Андреј е вешт млад дефанзивец кој го следам долго време и има потенцијал да продолжи да расте. Не случајно беше капитен на македонската репрезентација до 21 година и доби покана за сениорската репрезентација – вели за неговото доаѓање спортскиот директор на клубот, Величе Шумуликоски, поранешниот репрезентативец на Македонија.