Викендов во Крагуевац, Р. Србија, се одржа Меѓународниот пливачки натпревар „Пират опен 2019“ на кој учествуваа вкупно 22 клуба.

Македонија ја претставуваа само двајца пливачи од скопскиот пливачки клуб „Бета Шаркс“, Сара Анастасовска (2009) и Виктор Буклески (2010).

Нашите талентирани и надежни млади пливачи имаа одличен настап, се покажаа во најдобро светло и се вратија со вкупно 7 освоени медали, 5 златни и 2 бронзени.

Анастасовска исплива одлични резултати и успеа да освои злато на 100м грбно и две бронзи во дисциплините 50м грбно и 200м слободно.

Буклески освои дури 4 златни медали во дисциплините 50м и 100м слободно и 50м и 100м градно и беше прогласен за најдобар пливач на натпреварот во негова категорија.

Погледнете ги нивните успешни настапи: