Анализа на причините: Раст на процентот на позитивни случаи од ковид тестовите од 6,5 на 8

Изминатите три дена е зголемен процентот на позитивни случаи на Ковид-19 од вкупниот број на направени тестови. Според министерот за здравство, Венко Филипче имавме тренд на опаѓање и од 10 проценти, бројката се спушти на 6,5 за сега да биде околу осум.

Министерот вчера информира дека се прават анализи за причините на зголемениот процент на позитивни случаи и врз основа на тие проценки ќе кажат на што се должи и дали треба евентуално нешто дополнително да се преземе.

– Секаде каде што има нови случаи, превентивните мерки не се почитувани. Сите мора да сфатат дека така ќе живееме и само така ќе се заштитиме. Само со придржување до превентивните мерки можеме да излеземе од кризата, нагласи вчера Филипче.

Во однос на барањето на родителите на деца до шест години, министерот рече дека доволно време траеја сите мерки што се имплементираа во однос на продолжување на породилното отсуство, практично шест месеци.

Прочитајте и...  Заев: Оваа Влада ќе го негува и унапредува македонскиот јазик

– Ги кажаа нивните барања, ги слушнавме нивните аргументи и остануваме и натаму во континуирана комуникација. Во однос на градинките, развиени се алгоритми како и што се постапува кога ќе се дијагностицира дете, направени се протоколи за работи. И морам да кажам дека секојдневно ја следиме ситуацијата, рече министерот.

Во меѓувреме директорот на струмичката градинка, Васил Бубев изјави дека уште две деца од градинката се позитивни на Ковид-19.

– Не може да се потврди дека станува збор за поврзаност со првиот случај на Ковид-19 во групата, бидејќи едното од децата воопшто не се сретнало со првото позитивно дете, додека другото било во контакт само еден ден. Не е исклучена можноста да станува збор за пренос на вирусот од други лица во кругот на семејствата кои можеби се носители на вирусот, но се асимптоматски, изјави директорот Бубев. Единаесетте деца од оваа група и тројца вработени се наоѓаат во изолација.

Прочитајте и...  Извор од ДУИ за Лајм: Следната недела нов конкурс за вработување на 800 административци од кои 640 ќе бидат Албанци

Во претходното деноноќие беа регистрирани 140 нови случаи на Ковид-19. Најмногу во Скопје – 47, по што следуваат Куманово со 18 и Тетово со 15. Во останатите градови регистрирана е едноцифрена бројка на заболени.

Во Прилеп има седум нови случаи, во Кочани – пет, Гевгелија, Струмица и Радовиш по четири, Штип, Струга, Велес, Битола, Гостивар, Берово и Свети Николе по три, Кавадарци, Крива Паланка, Пробиштип, Делчево, Кичево и Ресен по двајца и во Охрид, Крушево и Македонски Брод по еден случај.

Институтот за јавно здравје вчера регистрира 60 оздравени пациенти од кои во Скопје – 25, Куманово – девет, Кочани – шест, Штип, Струга, Пехчево по три, Прилеп, Охрид, Кавадарци и Кичево по двајца, Крива Паланка, Берово и Делчево по еден оздравен пациент.

Починаа шест лица – три од Скопје на возраст од 84 години, 73 години, односно 74 години, две од Тетово на возраст од 68 години, односно 55 години и еден пациент од Струга на 62 годишна возраст.

Прочитајте и...  Хасани: Треба да бидам пример за сите и да не одам на журки во Приштина

На Инфективната клиника вкупно се хоспитализирани 78 пациенти. На кислородна поддршка се 43 лица, нема пациенти на механичка вентилација. Во болницата во Козле хоспитализирани се четири деца и четири мајки позитивни на Ковид-19, пет деца и пет мајки суспектни на вирусот. Во ГОБ „8 септември” се хоспитализирани вкупно 31 пациент. На респираторна машина е еден пациент.

Во болницата во Битола се хоспитализирани 22 пациента, а во болницата во Штип се хоспитализирани 43 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 160, позитивни и сомнителни на Ковид-19.

Вкупната бројка на ковид дијагностицирани во земјава од почетокот на епидемијата изнесува 16 557, бројката на оздравени пациенти е 13.792, на починати е 689. Во моментот активни се 2.076 активни случаи.

Поврзани вести

Дачиќ ќе биде нов претседател на српското Собрание, експозето на Вучиќ во среда, во новата влада и СПАС на Шапиќ

Слободен печат

Исчезна маж од Скопје, семејството моли за помош

Слободен печат

Шилегов за тунелите под Кале: Подобро да изгубите време во проектирање, отколку да ви се случи Кичево-Охрид

Слободен печат

СДСМ: Протестите на ВМРО-ДПМНЕ нема да ги спасат од одговорност криминалците од нивните редови

Слободен печат

За министерот Маричиќ онлајн судењата се покажале доста ефикасни

Слободен печат

За време на молитва во римската базилика „Санта Марија“: Папата Франциск за првпат со заштитна маска

Слободен печат

Остави Коментар