Американскиот рапер Офсет пуштен од болница по пукањето: „Животот е коцка, а јас сѐ уште играм за да победам“
Раперот Офсет е пуштен од болница неколку дена откако беше ранет во пукање пред казино во Флорида, пренесува „Си-би-ес њуз“.
Препорачано
Тој беше хоспитализиран во понеделник во стабилна состојба, а сега преку своите социјални мрежи потврди дека е пуштен од болница и дека веќе станал и се движи.
„Им благодариме на лекарите, медицинските сестри и целиот болнички персонал што толку добро се грижеа за него“, изјавиле неговиоте претставници.
Исто така, Офсет се заблагодари за поддршката и истакна дека останува фокусиран на враќањето во нормален живот.
View this post on Instagram
„Им благодарам на сите што се грижеа за мене и ми покажаа љубов. Добро сум, но планирам да бидам уште подобро. Фокусиран сум на моето семејство, закрепнувањето и враќањето на музиката. Сфаќам дека животот се состои од тивки победи и гласни порази. Животот е коцка и јас сѐ уште играм за да победам“, наведе тој.
Полициската управа на Семинол за „Пипл“ изјави дека раперот Лил Џеј бил уапсен на 6 април поради инцидент во казино и е обвинет за прекршок – нарушување на јавниот ред и мир. Следниот ден бил пуштен со кауција од затворот во округот Брауард.
Од полицијата додаваат дека уште едно лице било приведено на местото на настанот, но не било обвинето, додека властите работат на идентификација на едно или повеќе дополнителни лица вклучени во инцидентот.
Адвокатката на Лил Џеј, Доун Флорио, ги негираше гласините дека тој бил вмешан во пукањето.
„Лил Џеј не е застрелан, ниту е обвинет за какво било пукање. Секое спротивно известување е неточно.“
