Поранешниот американски амбасадор во Јапонија Рам Емануел предупредува дека претседателот на САД, Доналд Трамп со својата политика ги остварува соништата на советскиот диктатор Јосиф Сталин.

Според Рам Емануел, кој е и поранешен конгресмен од Илиноис и шеф на кабинетот на експретседателот Барак Обама, Трамп поттикнува поделби во НАТО и ги нарушува децениските атлантски партнерства, што е токму она за што сонувал Сталин.

„Да се подели НАТО и да се наруши атлантската алијанса …Уште од времето на Русија под Јосиф Сталин, тоа беше единствената цел (на Москва), а американскиот претседател ја остварува тој завет на Сталин, рече Емануел, според „The Hill“.

Емануел вели дека актуелната американска администрација „ги остварува сите цели на руската надворешна политика“, меѓу другото и со тоа што прифаќа билатерални преговори со Москва.

Поранешниот амбасадор им порача на европските лидери да испратат свои преговарачи бидејќи на американските им треба „надзор од возрасни“.

-Да бев европеец, ќе речев: ‘Одлично, одиме. Да седнеме на преговарачката маса’. Бидејќи тимот на Соединетите Американски Држави има потреба од надзор од возрасни, рече Емануел.