Американскиот претседател Доналд Трамп денеска изјави дека САД му забраниле на Израел да продолжи со бомбардирањето во Либан, користејќи невообичаено поостар тон кон долгогодишниот сојузник, објави „Ројтерс“.

„Израел повеќе нема да го бомбардира Либан. Tоа му е забрането од САД. Доста е!“, напиша Трамп во објава на социјалните мрежи.

Трамп рече и дека каков било договор што САД ќе го постигнат со Иран „во никој случај не е поврзан со Либан“, но дека САД ќе се „справат“ со ситуацијата со милитантната група Хезболах на соодветен начин.

Американскиот претседател додаде и дека САД ќе добијат нуклеарен материјал од Иран.

„Никакви пари нема да се разменуваат на кој било начин, во која било форма“, рече Трамп.

Објавите на Трамп доаѓаат откако иранскиот министер за надворешни работи Абас Аракчи изјави дека преминот за сите трговски бродови низ Ормускиот Теснец е „целосно отворен“ во преостанатиот период од примирјето.

Трамп: Израел и Либан се согласија на десетдневно примирје