Американската компанија „Амазон“ денес отпушти дел од вработените во својот оддел за развој на општа вештачка интелигенција (AGI), продолжувајќи серија мали реорганизации што следеа по големиот бран отпуштања на почетокот на годината.

Компанијата објави дека останува посветена на развојот на големи модели на ВИ, но дека сака да ги насочи ресурсите кон проекти што имаат најголемо значење за корисниците, објавува Ројтерс.

-Се фокусираме на иницијативи што се најважни за нашите клиенти за да продолжиме побрзо, што значи донесување тешки одлуки, вклучително и елиминирање на одредени работни места во делови од организацијата AGI- изјави портпаролот на „Амазон“.

Според вработените на онлајн форумите, отпуштањата ги погодија тимовите задолжени за управување со податоци и информации од вештачката интелигенција во рамките на одделот за вештачка интелигенција (AGI), а точниот број на луѓе кои ги загубија своите работни места не беше откриен. Вештачката општа интелигенција (AGI) се однесува на хипотетички систем способен за учење, прилагодување и решавање широк спектар на задачи на ниво или над човечките способности.

„Амазон“ отпушти околу 16.000 вработени во јануари, а потоа продолжи со помали намалувања на бројот на работници во одредени деловни единици, вклучувајќи ги и секторите поврзани со развојот на вештачката интелигенција.

Вештачката интелигенција укинува одредени професии, а некои целосно ги менува