Алиоски добива нов соиграч, Родриго ќе потпише за Лидс
Досегашниот напаѓач на Валенсија, Родриго Морено кариерата ќе ја продолжи во Премиер лигата и тоа во редовите на Лидс.
Повратникот во Премиер лигата по 16 години Лидс се согласи да плати 30 милиони евра плус дополнителни бонуси за одличниот напаѓач на шпанскиот тим. За очекување е Родриго набрзо да ги договори и личните услови со Лидс и наредната сезона ќе заигра заедно со македонскиот репрезентативец Езгјан Алиоски.
COMUNICADO OFICIAL: https://t.co/TvuRAz9Mt2
El @valenciacf ha alcanzado un principio de acuerdo con el @LUFC para el traspaso del futbolista Rodrigo Moreno, a expensas de completar toda la documentación y demás formalidades y de superar el preceptivo reconocimiento médico.
— Valencia CF ??? (@valenciacf) August 25, 2020
На трансферот инсистираше менаџерот на Лидс, Марсело Биелса, а официјалната промоција на Родриго Морено ќе биде веднаш откако ќе ги помине лекарските прегледи.
Родриго во Валенсија пристигна во 2015 година од Бенфика во трансфер тежок 30 милиони евра. Шпанскиот репрезентативец минатата сезона одигра 27 натпревари во Ла Лига и постигна четири гола и имаше седум асистенции.