Александар Новаковски ќе ја води работната група за реформи во изборното законодавство
Во Министерството за правда е формирана работна група за реформи во изборното законодавство, која ќе треба да ги имплементира препораките на ОБСЕ/ОДИХР, а паралелно ќе работи и на нов Изборен законик.
Како што соопштија од Министерството за правда, претседател на работната група ќе биде Александар Новаковски, експерт и поранешен претседател на ДИК.
„Овој процес е инклузивен и во него се вклучени претставници на политички партии, невладини организации, синдикати, министерства и надлежни органи за спроведување на изборниот процес“, пишува во соопштението од Министерството за правда.
Инаку, опозициската ВМРО-ДПМНЕ не делегираше член во работната група за реформи во изборното законодавство.