Канадската пејачка Аланис Морисет во документарниот филм „Jagged“, што допрва треба да доживее премиера, изјави дека била сексуално злоупотребувана од повеќе мажи кога имала само 15 години, пренесува порталот „ЕТ Канада“.

 

View this post on Instagram

 

A post shared by Alanis Morissette (@alanis)

„Ми беа потребни години и години терапија за да можам да си признаам на себе дека сум жртва на злоупотреба. Секогаш велев дека се согласувам, но потоа ќе се потсетев – еј, имаше 15 години, не се согласуваш на 15 години. Сега знам дека сите тие беа педофили. Тоа е легално силување“, рече Аланис.

 

View this post on Instagram

 

A post shared by Alanis Morissette (@alanis)

Пејачката не ги откри имињата на насилниците, но објасни дека неколку луѓе знаеле што се случува, но „се правеле дека не слушаат“.

„Им беше полесно да станат и да излезат од собата, односно да го игнорираат тоа што се случува“, вели пејачката.

Документарецот го прикажува животот на пејачката и нејзиниот пат од танчерка во Канада до успешен музичар во Лос Анџелес. Премиерата на овој документарен филм ќе биде следната недела на „Меѓународниот филмски фестивал“ во Торонто, но странските медиуми пишуваат дека Аланис нема да присуствува на проекцијата на филмот бидејќи не е задоволна од финалниот производ.