Американскиот актер Џереми О. Харис, најпознат по улогата во серијата на Нетфликс „Емили во Париз“, е приведен во Јапонија веќе 18 дена. Харис беше уапсен на 16 ноември под сомнение за обид за шверцување нелегални дроги во земјата.

Според „Ројтерс“, 36-годишниот актер бил запрен на аеродромот Наха на островот Окинава, каде што царинските службеници наводно пронашле 0,78 грама кристали што ја содржат синтетичката дрога МДМА во неговата чанта.

Јапонија е позната по своите исклучително строги политики за дроги, а кривични пријави против Харис беа поднесени на 4 декември.

Покрај неговата актерска кариера, Харис е и признат драматург. Додека студирал на Универзитетот Јеил, тој ја напишал претставата „Робовска игра“, која се појави на Бродвеј во 2019 година и го сруши рекордот со 12 номинации за наградата Тони, што беше најголем број номинации за недрамска претстава во тоа време.

Како актер, Харис е најпознат на пошироката јавност по улогата на Грегори Елиот Дупри во серијата „Емили во Париз“. Тој се појави и во новата верзија на серијата „Озборувачка“ и во серијата „Што правиме во сенка“.