Еден Хрват на Reddit отвори интересна тема за цените на фризерските услуги, откако откри дека неговиот фризер користи необична формула за пресметување на цената на фризурата. Како што објасни, неговиот фризер ја одредува цената така што ја дели просечната плата во Хрватска со 100 – пишува Телеграф.

– Имам локален фризер кај кого одам постојано, бидејќи тој е најдобар за мене. Неодамна ја зголеми цената на машките фризури од 10 на 13 евра. Кога го прашав зошто, рече дека ја одредува цената според формулата: просечната плата поделена со 100 – напиша авторот на објавата.

– Значи, ако просечната плата во Хрватска е 1.300 евра, шишањето чини 13 евра. Кога просечната плата ќе се искачи на 1.500 евра, цената ќе биде 15 евра. Ми се чини фер – ако мојата плата се зголемила за 30%, логично е дека и платата на фризерот ќе се зголеми за 30% – заклучи тој.

Бројни корисници со различни мислења веднаш се јавија во коментарите.

– Важно е да има смисла. Како физичко лице, тој може да ги одредува цените како што сака, единственото прашање е дали пазарот ќе го прифати тоа. Не е исто дали работи во центарот на Загреб или во село, бидејќи просечната плата се пресметува на државно ниво. Ако има клиенти, тоа значи дека цената има смисла.

Друг го сподели своето искуство:

– Мојот фризер наплаќа 7 евра, јас завршувам за три минути, нема закажан термин – само доаѓате и чекате на ред. Сега трета генерација работи во тој салон, а јас не би одел никаде на друго место.

Еден од учесниците во дискусијата рече дека не е добро премногу да се покачува цената бидејќи тогаш никој нема да дојде.

-Имам пекар кој, по воведувањето на еврото, ги дуплираше цените и ги изгуби клиентите. Мораше да ги врати на старо за да ги натера луѓето повторно да почнат да купуваат.