Пред затворањето на ретроспективната изложба на Васко Ташковски во Даут-пашин амам, која беше продолжена поради големиот интерес на публиката, од денес па сѐ до 15 јануари, секој ден од 12 до 14 часот љубителите на уметноста ќе можат да се сретнат со авторот и да добијат автограм на каталог од изложбата, велат од Националната галерија за „Слободен печат“.

Инаку, во специјализираната музејска продавница во објектот може да се купат различни подароци со мотиви од делата на авторот Ташковски, како што се ленени торби, шољи, магнети и бележник.

Објектите на Националната галерија работат секој ден освен понеделник, од 10 до 18 часот. Влезница за секој објект поединечно чини 100 денари, а посетата на изложбите е со почитување на здравствените протоколи и задолжителен сертификат за вакцинација против ковид-19.