Ирена Фрчкоска и Дељо Кадиев, двајцата адвокати на поранешната специјална јавна обвинителка Катица Јанева денеска го продолжуваат увидот во доказите кои Одделот за организиран криминал и корупција ги има против нивниот клиент за аферата „Рекет“.

Освен осомничените Бојан Јовановски и Зоран Милевски (прво и второ осомничени во „Рекет“) и Јанева била под Посебни истражни мерки за овој случај.

Во „Рекет“ предмет отворен во јули годинава осомничени и притворен е Бојан Јовановски-Боки 13, на второосомничениот Зоран Милевски-Кичеец затворскиот притвор му беше заменет за домашен, додека барањето на третоосомничената Јанева да биде префрлена во домашен притвор од Кривичен беше одбиено.

Јанева оваа недела треба да дознае дали Вишото јавно обвинителство позитивно или негативно одговорило за нејзината жалбата по однос на понудената гаранција да се брани од слобода.