АД МЕПСО: Ги прифаќаме забелешките од ревизијата, веќе ги исправаме наследените слабости
По објавување на ревизорскиот извештај за АД МЕПСО од компанијата соопшти дека целосно ги прифаќа наодите од извештајот на Државниот завод за ревизија и веќе презема мерки за отстранување на утврдените слабости. Од компанијата велат дека најголем дел од проблемите се наследени од претходните раководства и се поврзани со имотно-правни прашања, инвестиции, вработувања и сајбер-безбедност.
Препорачано
МЕПСО информира дека работи на регулирање на сопственоста на трафостаниците и електропреносната инфраструктура, активирало инвестиции вредни околу 18 милиони евра кои со години не биле евидентирани, а започнати се и активности за деблокирање на повеќе капитални проекти.
Компанијата посочува дека е раскинат договорот за ревитализација на далекуводот Скопје–Велес поради нефункционалност, додека интерконекторот со Албанија продолжува со нов изведувач. Дополнително, се воведуваат мерки за поголема финансиска дисциплина на пазарот на електрична енергија и зајакнување на сајбер-безбедноста.
Од МЕПСО најавуваат акциски план за спроведување на ревизорските препораки, нагласувајќи дека целта е компанијата да стане поефикасна, потранспарентна и поодговорна во управувањето со државниот имот и стратешките инвестиции.
Ревизорска бомба во МЕПСО: 59 далноводи без имотни листови, милиони евра во заглавени проекти
