2МФЛ: Пелистер сигурен против Караорман, Беса 1976 славеше во дербито со Кожуф
Се одиграа натпреварите од шестото коло во Втората македонска фудбалска лига (2МФЛ), екипата на Беса 1976 стигна до триумф во дербито против Кожуф Гевгелија со 2:0.
Стрелци на головите за Беса 1976 беа Емини и Адеми за петта победа сезонава во шампионатот.
Пелистер им се врати на победите откако со 4:1 го надигра Караорман. За битолската екипа по два голови запишаа Љамчевски и Христов, а на спротивната страна единствениот погодок беше дело на Ќелешоски.
Во другите денешни мечеви: Арсими – Вардар Неготино 1:0, Башкими – Каменица Саса 2:2, Охрид – Скопје 1:0, Осогово – Беласица 3:1, Победа – Новаци 1:1, Тетекс – Детонит Плачковица 4:0.
На табелата води Беса 1976 со 15 бодови, колку што има и второпласираниот Кожуф, на третата и четвртата позиција се Пелистер и Детонит Плачковица со по 13 бодови.