Во полседните неколку години постојано низ медиумите се појавува информација за формирање на регионална фудбалска лига во која учество би земале екипите од поранешната СФР Југославија.

Во тие математики се споменуваше и Вардар како еден од учесниците, но славниот хрватски фудбалер Звонимир Бобан смета дека оваа идеја е далеку од реализација.

– Мораме да се соочиме со фактите, сега е се поинаку од тие времиња. Поинакви се емоциите, погледите… тоа време повеќе не постои и поинаква е медиумската реалност. Мислам дека регионалната лига е утопија, идеја која нема да се реализира. Сметам дека е се уште рано да се зборува за такво нешто – вели Бобан во интервјуто за Н1 телевизијата.