Актерката Хедер Локлир се вери на 58 години со своето момче Крис Хејерсон.

Близок семеен пријател на познатата актерка ја потврди веста за веридбата за магазинот „People“.

Според неговите зборови, парот е верен уште во април месец, кога тие ја прославија годишнината од нејзината трезвеност, по лекувањето од алкохолизмот и зависноста од наркотици.

Актерката во изминатата година водеше тешка борба со наркотиците и алкохолизмот, како и со депресијата, а во 2018 година беше уапсена кога направи два прекршоци и и се спротивстави на полицијата во алкохолизирана состојба. Меѓутоа, таа реши да го промени својот живот и очигледно успеала во тоа.

„Навистина се среќни заедно. Целото нејзино семејство, родителите, браќата и сестрите ја поддржуваат и се многу среќни и возбудени поради неа“, изјави извор близок на актерката, додавајќи дека во овој чекор ја подржува и ќерката Ава (22) која ја има од бракот со Ричи Самбор.

Хедер и Крис се во љубов уште од средно училиште, а повторно воспоставиле контакт пред неколку години. Нивниот однос бил нестабилен, поради пороците на актерката, но на крајот таа се одлучила да побара стручна помош во приватна установа за рехабилитација и сега веќе подолго од една година е „чиста“.

Хедер минатата година беше сликана во Лос Анџелес со дијамантски прстен на раката и заштитна маска на која пишува „се смеам“.

„Навистина е сјајно и инспиративно да ја видите Хедер како успеа да го заврти својот живот“, заклучи тој.