Кучињата чест знаат да копаат на сосема неочекувани места во домот. Нашите четириножни пријатели често копаат и ги гребат креветите на своите сопственици. Но, зошто го прават тоа?

Кучето е животно со долга историја на припитомување зад себе и со однесување кое може да се објасни со брз увид во неговата природа и неговите моментални потреби. Па, доколку забележите дека вашето куче копа на креветот, тоа може да значи:

Бара засолниште

Кучето инстинктивно е доведено да копа и да создаде дувло во кое ќе се засолни како што би било и во дивината. Тоа е дел од нивната природа. Оваа особина можеби се појавила во домашниот контекст бидејќи кучето сфатило дека тој дел од куќата е безбеден и удобен.

Има стрес

Копањето на кревет исто така може да биде израз на стрес што животното го доживува. Кучето веројатно се чувствува фрустрирано, страда од анксиозност, можеби нервозно и се обидува да се смири со исфрлање на чувствата што ги доживува. Копањето може привремено да ја олесни неговата состојба.

Секој сигнал треба да се оценува поединечно со цел да се интервенира ако и кога случајот го бара тоа. Континуираното копање на креветот или каучот не треба да се игнорира или да се охрабрува бидејќи, покрај тоа што долгорочно ќе го уништи мебелот во куќата, може да укаже на очигледна непријатност кај животното.

Покрај можноста за консултација со стручно лице, погрижете се вашето куче секогаш да има удобен кревет и свој простор во куќата. Посветете доволно време на играта и не ги занемарувајте неговите потреби.