Зошто не треба да ја миете солта од морето од лицето и телото
Кога бевме деца, родителите нè учеа да одиме во морските длабочини и да се обидеме малку да ги измиеме носот, грлото и устата. Водата во длабочините на морето содржи многу минерали, а не содржи бактерии. Во длабочините, водата е студена и темна, полна со сулфур, што ги оневозможува бактериите да се размножуваат.
Составот на морската вода и крвната плазма во минералите и елементите во трагови е речиси идентичен. Затоа, постои цела низа придобивки од морската вода на нашата кожа, но и на целото тело.
Минерали кои ја закрепнуваат кожата се магнезиум, калциум и калиум, јод, а тие во високи концентрации се наоѓаат во морската вода. Овие минерали ја обновуваат кожата, овозможуваат побрзо заздравување на раните, ги регулираат бактериски инфекции и ги ублажуваат акните. Морската вода ги чисти проширените пори, го отстранува вишокот маснотии, ги намалува воспалителните процеси.
Морската сол ѝ прави нежен пилинг на кожата и ја забрзува замената на мртвите клетки од површината на кожата со нови. Периферната циркулација е забрзана и сето тоа заедно придонесува подобро да се впијат и искористат лосионите и хранливите креми нанесени по капењето.
Комбинацијата на сонце, јод, цинк, железо, селен од морската вода го зголемува нивото на серотонин (хормон на среќата) и го намалува нивото на кортизол (хормон на стресот).
Луѓето со премногу чувствителна кожа склона кон егземи и псоријаза имаат голема придобивка од минералите од морската вода. Многу козметички производи ги базираат врз минералите на Мртвото Море, токму поради нивните лековити својства.
Комбинацијата на морска вода и сончево зрачење ја намалува количината на габички на нашата кожа, а истовремено ја зголемува циркулацијата и на тој начин го контролира себороичниот дерматитис.
Морската сол го стимулира растот на косата, делува како природен шампон, ги отвора порите на скалпот и овозможува полесно пробивање на хранливите маски. Престојот на море го обновува и нервниот систем и го намалува крвниот притисок.
Изобилството со минерали коишто ги содржи морската вода продираат во кожата и ја подобруваат циркулацијата во нејзините најдлабоки слоеви, па го јакнат сврзното ткиво, така што кожата станува помека и изгледа поздраво.
Благодарение на алгите, кои ги содржат витамините А, Б, Ц и Е, морето има и ефект против стареење (антиејџинг), па го поттикнува создавањето на колагенот, ги неутрализира слободните радикали и штити од штетните влијанија на сончевите зраци. Пливањето и капењето ја поттикнуваат размената на материите, што помага и во намалувањето на целулитот.
Но, навечер измијте ги остатоците од кремите и потта од кожата за да не ја иритирате.