На олимписката патека во рамките на Тесеро крос-кaнтри Олимпискиот стадион, најдобриот македонски нордиец Ставре Јада го освои 83. место, од 113 пријавени спортисти на стартот на трката.

Нашиот натпреварувач имаше заостанување од 4:52,7 минути зад новиот олимписки шампион, Јоханес Хесфолт Клебо од Норвешка.

Ова е трето злато за Клебо на Игрите во Милано и Кортина, вкупно осмо во неговата кариера, а има и по еден сребрен и бронзен медал.

Сребрениот медал му припадна на Матјас Делож, Французинот ја заврши трката 4,9 секунди зад Клебо, а бронзата оди кај Норвежанецот Ејнар Хедегарт, кој имаше задоцнување од 14 секунди.

Со овој настап, нашите најдобри спортисти во крос-кантри го заокружија своето учество на Зимските Олимписки игри Милано Кортина 2026.