Златото би можело да порасне до 10.000 долари за унца, бидејќи ја враќа популарноста како безбедно засолниште во услови на инфлација и глобални тензии, вели извршниот директор на ЏП Морган, Џејми Дајмон. Скапоцениот метал, кој долго време се сметаше за заштита од инфлација и пад на валутата благодарение на неговата независност од владите и централните банки, ја проби историската маргина од 4.000 долари претходно овој месец и продолжи да расте.

Во среда, златото порасна за 58 проценти од почетокот на годината до рекордни 4.218,29 долари – повеќе од двојно од неговата цена во 2023 година, кога се тргуваше под 2.000 долари за унца.

Каде да се купи инвестициско злато?

– Јас не сум купувач на злато – поседувањето чини четири проценти – рече Дајмон. – Но, лесно би можела да достигне (цена) од 5.000 или дури 10.000 долари во оваа средина – додаде тој, пренесува Каматица.